اومال معتش بشوفك ليه ؟
هو انا ما وحشتكيش ؟
اصل انتي وحشتيني اوووووي
نفسي اشوفك
نفسي تاخديني في حضنك
نفسي تطبطبي عليا
نفسي اشبع منك
كنتي بتصبريني
بالشويه الصغيرين
اللي بتيجي فيهم
وحياتي
وحياة محمد عندك
متحرمينيش منهم تاني
دول همَّ اللي مخليني
عارف اعيش
!! عارفه
لما كنتي بتجيلي زمان
كنت بحس انك راضيه عني
وفرحانه بيا
مش عارف ليه معتيش بتجيلي
هو انتي ممكن تكوني
مش راضيه عني ؟
طب ليه؟
انا والله بدعيلك
وعمرك ما بتغيبي عني
انا اصلا عايش عشان انا حته منك
دا انا مستني اموت عشان ابقى معاكي
صحيح
مش انا نجحت
اه وربنا
واتخرجت وبقيت كيميائي اد الدنيا
كان نفسي تفرحي بيا
بس انا متأكد انك فرحانه
انا مبسوط اوووي
عشان فَرَّحتك
وفرحت بابا واخواتي
!! شفتي
محدش زغرطلي
لو كنتي هنا
كنتي انتي زغرطيلي
بس الحمد لله
انا مش زعلان والله
بس وحياتي متغيبيش تاني
انا محتاجلك اووي
كلنا محتاجنلك
بشوفها كل يوم عماله تدبل ادامي
ومش عارف اعملها حاجه
ادعيلها
ادعيلنا كلنا
وعشان خاطري متغيبيش تاني
انتي وحشتيني اووووووي
وانا بحبك اوووووووووي
6 comments:
و بابا كمان واحشني اوي
الله يرحمهم جميعا
اسمحلي انا ازغردلك
لولولولولولولولولولولوى
الف مبروك يا محمد
ربنا يرحمهم رحمة واسعه ويجعل مثواهم الفردوس الاعلى يااارب
الله يبارك فيكي ياخيخه
عقبال يارب لما تفرحي بشريف وهو احسن واحد ف الدنيا
وش واحد مزقطط م الفرحه وف نفس الوقت بيدمع
زغروطتك حلووه اووووووووي على فكره
وغاليه عندي جداااا .. اغلى زغروطه فحياتي بجد
ربنا يكرمك يانورا ويجبر بخاطرك
انا معرفش انت هتشوف التعليق ده ولا لأ
بس متهيألي هتشوفه بدل شوفت التعليق الاولاني
الأول قبل ما اكمل كلامي
خليني اطمن واسلم عليك واقولك
ازيك يا محمد؟
بص يا محمد
انا معرفكش وماشوفتكش فبالتالى معرفش احكم عليك
بس انا حاسة انك انسان كويس
على الاقل انا ماشوفتش منك اذى
وتعليقاتك عندى كلها محترمة
وحاسة انك بتعتبرنى اخت كبيرة ليك
وده شرف ليا طبعا
المهم انا جاية اقولك ان ردك على تعليقى
خلانى كنت على وشك العياط
بصراحة مسكت نفسي لانى مش عايزة اعيط
المهم انا بس عايزة اقولك
انى احبك في الله
ربنا يكرمك يارب ويعزك ويصلح لك شأنك كله ويكتبلك كل الخير يا محمد
خد بالك من نفسك
سلام
اختك نورا
نورا .. لا تتخيلي تعليقك ده فرحني قد ايه
عارفه لما قلبك هو اللي يفرح . مش مجرد فرحه عاديه ..لأ قلبك هو اللي يفرح
اهو انا فرحت كده .. متستغربيش هقولك على كل حاجه دلوقت
اولا
الحمد لله تسلميلي ... أنا بخير وزي الفل .. ازيك انتي ؟؟
ويارب تكوني بخير
ثانيا وثالتا وكله بقى
اتمنى من ربنا ان احساسك اني انسان كويس يكون ف محله
ويارب اللهم اجعلني خيرا مما يظنون واغفر لي مالايعلمون
وكوني بعتبرك اختي فدي حقيقه فعلا والله ومن فتره كمان .
وربنا يعلم معزتك عندي والله يانورا
يمكن انا كمان مشفتكيش بس تخيلي حلمت بيكي مره
اعتقد قلتلك ع الحلم ده قبل كده
وانا اللي اتشرف جداااااااااا انك تكوني اختي
انتي فعلا تشرفي اي حد ومش مجامله وحياة ربنا
وحقك عليا اذا كنت قلبت عليكي المواجع بس وربنا ما اقصد
يمكن عشان انتي حساسه اووي فبتتاثري
انا اسف بجد وربنا ميجبش زعل ولا عياط تاني
عارفه محمد النجار ( نيجرو )!! .. ده صاحب عمري وبلدياتي ومع بعض من ابتدائي وكده يعني
المهم لما جه مصر اجازه من شهرين حَمّلته رسالتين .. واحده ليكي
وواحده لخالد كامل (سكايار )
قلتله يا نجار قول لخيخه ..
محمد ممدوح بيقولك
" اني احبك في الله ياخيخه "
وقولها ان هو بيحترمك جدااااا وبيقدرك اوووي
وبيتعلم منك كتيير وبيعتبرك زي اخته
" أحبك الله الذي أحببتيني فيه " يانورا
عرفتي بقى انا فرحت من قلبي ليه
ربك كريم اوووي وحكيم اووي ... الحمد لله
ربنا يسعدك ويجزيكي عن فرحتي دي خير
وعلى رأي صديقه مُدوِّنه ..
ربنا يطبطب على قلبك يانورا
" إني أحبك في الله "
وش واحدة مذبهلة
اولا إزيك يا محمد وعامل إيه ؟
ومش معقول كدة
مش كل ما اجى هنا ادخل فى الموضوع علطول من غير ما اسلم عليك واطمن على احوالك
ندخل فى الموضوع بقى
طبعا انا شوفت نيجرو من فترة وهو قاللى فعلا ان فيه واحد صاحبه بيسلم عليا
ومش فاكرة اذا كان قاللي الإسم ولا لأ
المهم اللي انا مستغرباله
انك انت اللي تطلع صاحب نيجرو
اصل انا حسيت انك اخويا الصغنن
وكلمة اخويا الصغنن دى دايما خاصة بنيجرو ومش بقولها لحد تاني غيره
فكنت هقولهالك فى تعليقي اللي فات
وبعدين قلت لأ
لا يفتكرني ان الكلمة دى بقولهاله كدة بجامله بيها
بس والله فعلا ده كان احساس ناحيتك
انك فى منزلة الاخ الصغنن
يعنى فى منزلة نيجرو
وانت متعرفش الواد نيجرو ده غالى عندى اد ايه
فانا مذبهلة انك انت اللي تطلع صاحب نيجرو اللي بعت معاه السلام ليا
ياااااااااه
انا مبسوطة اوى دلوقتي
ربنا يخليكم ليا يا اخواتي الصغنانيين
المهم يا محمد
انا بس عايزة اقولك انى بجد هاكون مبسوطة جدا انك تعتبرنى بجد اخت كبيرة ليك
وام كمان لو عايز
والاخت الكبيرة والأم
بيبقوا عايزين دايما يطمنوا على عيالهم وعلى اخواتهم الصغنانيين
يعنى انا عايزاك دايما تطمنى عليك
ولو محتاج بس تفضفض فى اى حاجة
عندى صفحة التعليقات عندى انا عاملاها مودريشن ابقى فضفض فيها براحتك
مقدرش اوعدك انك لو واجهت _ بعد الشر _مشكلة هاقدر اديك ليها حل
لكن اقدر اوعدك انى اكون مستمعة جيدة لأي حاجة انت عايز تقولها
لان ده واجب عليا تجاهك
مش انت اخويا دلوقتي
يعنى ده واجبي ناحيتك
ومش بس علشان احساسى انى اختك الكبيرة
ولكن علشان زى ما قلتلك فى التعليق اللي فات
انى بحبك فى الله
وده اللي يخلينى اكون بجد عايزة اخد بالي منك
واطمن عليك دايما
ربنا يفرح قلبك ويريح بالك
ويديك كل حاجة حلوة يارب
خد بالك من نفسك يا محمد
سلام
اختك نورا
نورا
إزيك ..عامله إيه ؟؟
لكِ وحشه والله
تعليقا على تعليقك
انا اللي فرحااااااااااااان جدا
انك بتعتبريني اخوكي الصغير وفخور جداااااااا بده
وده شيء يشرفني بجد
ويارب يخليكي لينا
انتي بالفعل اختي واكتر كمان والله ...ربنا يعلم
وبالله عليكي انتي تطمنيني عليكي دايما
الا انتي عليكي حركات كده ولا مؤاخذه مش لطيفه
يا اما بتقفلي التعليقات يا اما المدونه نفسها
عارف انك بتبقي مش مهيئه نفسيا للاختلاط بالناس بس انا فعلا ببقى هتهبل عاوز اطمن عليكي ومش عارف واصلا معرفلكيش حته تانيه اطمن عليكي منها وعارف انك مبتستظرفيش الفيس ولا اعرف ميل ولا اي حاجه خالص
حاضر وانتي كمان لو احتجتي تفضفضي او ترغي او اي حاجه ف الدنيا
انا اخوكي الصغير وده فرض واجب عليا
هو صحيح خبرتك ماشاء الله كبيره وعميقه بس اخوكي بردو اتدعك ف الدنيا وشاف كتيير الحمد لله
يعني ممكن افيدك .. على الاقل باني اسمعك
على فكره بقى احنا فقريين زي بعض
هههههههه
الحمد لله يعني
انا بحب اوووي الشخصيات الكيرنج
عشان انا اصلا كده
ربنا يصلح حالك يانورا ويخليكي لكل اللي بيحبوكي
وانا منهم طبعا
اخوكي الصوغنتت
محمد ممدوح
Post a Comment