يا بلادي .. يا بلادي .. أنا بحبك يابلادي

Tuesday 1 October 2013

مِنحة إلــه


كانت الأيام تشبه بعضها

لا شيء .. لا أحد يستحق العيش من أجله

فقط تحيا على وعدٍ إلهي

بأنه

ولسوف يعطيك ربك فترضى

يغمرك اليقين بأن رحمة الرب ستطالك

يومًا ما

إنقضى من العمر الكثير

هكذا تظن

لم يتسرب اليأس إلى روحك

فقط  تكتئب .. تُحبَط

مازلت على يقينك

مازالت تُصدِّق الله

يبدو أن الله أراد لليوم أن يحين

ساقها الله لك خصيصًا

بثَّ في قلبها كثيرا جدااا من رحمته

تشبهك كنفسك

تبدو كمَلاك الأحلام

هي مُوكَله بتحقيق أحلامك

التي ظننت دومًا أنك لن تدركها سوى في الجنه

تختصك بما لم تختص به أحدًا من قبل

تحنو عليك كـأمك

تحكي لك كطفلها

تبكي معك كأبيها

تصارحك كصديقها

تغني لك كفيروز

تتدلل عليك كنَسمات الخريف

تحتد عليك كموجات بحر إسكندريه

تبعث في خلاياك الأمل

تشاركك التفاصيل

تربت على قلبك بيدها

فتخبرها .. تسلم الأيادي

تهبك كثيرًا من روحها الطيبه

في مَعيَّتِها

 تستشعر طعم الحياه

وأكثر

لِتدرك أنها حقًا

مِنحة إلـــــــه 



Monday 11 March 2013

كيس دم


الرجل والست اللي اتبروعلي بالدم
الناس اللي دمها مِشي ف خلايا جسمي خليه خليه
على فكره انا معرفكوش 
معرفش اساميكم
معرفش دينكم
معرفش انتوا مين ولا بتعملوا ايه ف الدنيا
معرفش عنكوا اي حاجه 
كل اللي اعرفه انكوا انقذتوا حياتي
اني عايش لحد النهارده بفضل ربنا وبسببكم
ايام كتيرحياتي كانت بتبقى واقفه على كيس دم
او 6 وحدات صفايح دمويه
او كيس بلازما
كنت شايف ابويا وهو هيموت م العجز والحسره
وهو شايف ابنه بيموت قدامه عشان محتاج كيس دم
بس للاسف مفيش ولا حتى بكل فلوس الدنيا
تخيل دمك اللي انت اتبرعت بيه بالصدفه ده
هو اللي انقذ حياتي
هو اللي حَيا الامل ف قلب ابويا
تخيل ان اي حاجه حلوه بعملها ف حياتي 
انت بتُثاب عليها
كل مره ابويا بيحمد ربنا فيها انه شفاني
انت بتاخد ثواب
اي حد بيشوفني سليم بعد ما كنت جثه هامده
 فيزيد يقينه ف ربنا انه قادر على كل شيء
انت سبب فـ ده
تخيل كَم الناس اللي بتدعيلك لحد دلوقتي
عارف كم عيله مافقدتش عزيز عليها بسببك
انت فاهم يعني ايه تنقذ حياة انسان

برغم اني معرفكش ومعرفكيش
بس انا وناس كتيييييييييييييييييير
اوووووووووووووووووووووي
بندعلكوا وهنفضل ندعلكوا لحد
مانموت
ربنا يكرمكوا ويجزيكوا عننا كل خير

Monday 4 March 2013

جوه قلبي


                           لو فتّشتوا جوه قلبي 
                      هتلاقوا 100 مليون طعنه
                     م القريب والحبيب والغريب
                            بقى بيت مهجور
                         ملعون 100 الف لعنه 

Wednesday 26 December 2012

كل يوم

كل يوم حاجه حلوه فينا بتموت

يوم طموحك
يوم جموحك

يوم ذكاؤك
يوم حياؤك

يوم شهامتك
يوم كرامتك

يوم براءتك
يوم شجاعتك


يوم شبابك
يوم صحابك

يوم قرايبك
يوم حبايبك

ويوم ما كل حاجه حلوه فينا تموت
هانموت - حتى - لو عايشين

Monday 24 December 2012

                الإتساق مع الذات .. خَير الملذات

Thursday 22 November 2012

                             لو إنت فاهمني

                               إبقى فَهّمني 

                     عشان أنا أصلا مش فاهمني

Monday 12 November 2012

السعاده



              ماتختزلش السعاده ف شخص أوشيء

                            السعاده معنى

                        موجود ف كل شيء

Sunday 11 November 2012

( أنا نِفسي أموت .. ( حوار مع النفس




- أنا نفسي أموت بقى .. أنا تعبت من الدنيا واللي فيها


* جرى إيه يابني !! إنت هتكفر ؟؟ ما تستغفر ربنا


- أستغفر الله العظيم يارب .. بس الموضوع مش كده والله 
حاشا لله إني أكون معترض على قضائه
الفكره إني فعلا تعبت وعاوز أستريح

* تستريح من إيه بس ؟؟

- أستريح 
من الناس .. من الخذلان .. من الإحتياج .. من الكره .. من الوجع .. من التوهه
من الخوف .. من الهم .. من الظلم .. من الخيانه .. من الشهوه .. من الفقر 
من الطمع .. من الفشل .. من الجَزَع .. من المرض .. من الأنانيه .. من الضعف
من الذل .. من الغل .. من الكدب.. من القلق .. من الغفله .. من النفاق .. من الحقد
أستريح من إمبارح وأستريح من النهارده و أستريح من بكره
أستريح من كل حاجه

* بس ده قدَرَك ونصيبك اللي ربنا كاتبهولك .. ولازم ترضى بيه

- مهو عشان كده أنا عاوز أموت
أنا لحد دلوقتي ربنا رازقني الصبر والرضا
وبجاهد نفسي كتييييير جدااا وبستعين بربنا دايما عشان أفضل كده .. راضي وصابر

بس خايف أضعف
خايف يجي يوم وما أقدرش أصبر
خايف يجي يوم وما أقدرش أرضى
خايف أخسر كل حاجه
عشان كده أنا نفسي أموت 
أموت وأنا ربنا كارمني بالصبر والرضا

* طيب تفتكر إنك لو مت هتستريح ؟

- أكيد هستريح

* طيب ما إنت ممكن لو مت .. تخش النار .. هتستريح إزاي بقى ؟؟

- أنا فعلا ممكن أخش النار .. بس مش هبقى زعلان ساعتها
عشان ده هيبقى عدل ربنا .. وربنا مبيظلمش حد 
ربنا هو العدل

أي نعم أنا معملتش الحاجات اللي تخليني أستاهل أخش الجنه 
بس ربنا رحيم أوووووووووي وكريم أووووووووووووووي
ربنا وحده هو الرحيم 
ربنا وحده هو الكريم
ربنا هيعذبني شويه وبعد كده هيدخلني الجنه
هو قال كده - سبحانه وتعالى -
طالما ما أشركتش بيه .. هتخش الجنه مهما عملت
أنا عارف إن هو بيحبني ..عشان كده بيبتليني إبتلاءات صعبه
وأنا كمان بحبه أووووووووووي ومش عاوزه يزعل مني

* طيب طالما إنت بتحب ربنا ومش عاوزه يزعل منك
ما إنت فإيدك تخش الجنه من غير ما تعدي على النار
إشتغل من دلوقت على الهدف ده واصبر 
دا جزاة الصبر كبييييييره أوووووي عند ربنا

- والله بحاول 
إدعيلي إنت بس .. إدعيلي إني أموت


* بُص !!  أنا مش هعرف أدعيلك بإنك تموت
أنا هدعيلك زي ما وصانا النبي عليه الصلاة والسلام

" اللهم أحيني إن كانت الحياة خيرا لي و أمتني إن كان الموت خيرا لي "


-  " اللهم أحيني إن كانت الحياة خيرا لي و أمتني إن كان الموت خيرا لي "



Wednesday 7 November 2012

أنا كده


تنويه .. لمن يهمه الأمر !!

عزيزي الصديق .. عزيزتي الصديقه

هذا البروفايل قد يحتوي  -احيانا-  على ايات قرانيه وحِكم ومواعظ
وفي احيان اخرى قد يحتوي على الفاظ نابيه وكلمات خارجه وأبيحه تخدش الحياء

مش معنى اني بكتب آيات قرانيه وحكم .. اني شيخ وملتزم ومثقف
مش معنى اني بكتب احـــــــــا وبشخر  .. اني سافل وما اتربتش

احنا بشر ياجدعان .. فينا الخير وفينا الشر
فينا الادب وقلة الادب

انا بكتب اللي بيجي على بالي .. اللي بحسه بقوله طالما مش بسيء لنفسي ولا بسيء لحد

أي نعم انا عمري ما كنت اتخيل اني اقول لفظة احا ولا عرص ولا ولاد المره وبييييس وفكك وفشخ وقشطه وكل الحوارات الفكسانه دي

اهي فكسانه دي ولا بطيقها اصلا :D

بس اكتشفت اننا لازم " نتعايش " مع العصر اللي احنا فيه عشان منبقاش نشاذ

انا بقول نتعايش .. والتعايُش مش معناه ذوبان وتَحوُّل

التعايش يعني نحافظ على دينّا واخلاقنا وهويتنا ومبادئنا وعادتنا وتقاليدنا
وف نفس الوقت نبقى Up 2 date

القريبين مني عارفين كويس اني مش بستخدم الالفاظ الخارجه دي ف حياتي اليوميه الا فيما ندر او اذا استلزم الامر

ساعات بنكتب حاجات مينفعش نقولها .. ومبنقدرش نقولها 

فبنعملها ف خيالنا .. وهو الفيس بوك ايه غير لايك وشير وشوية خيالات فوق بعض

ودي احلى حاجه ف فيس بوك .. انه خيالي .. افتراضي

خلاصة الرغي دا كله بقى

متحكمش على حد من آيه كريمه شّيّرها
متحكمش على حد من كلمه ابيحه كتبها

احكم عليه بعد ما تعرفه كويس اوي
احكم عليه بعد ما تعاشره ;)

ولّا تحكم عليه ليه اصلا ؟
وانت مال اهلك
نياهاااااااااااااااع


لو مش عاجبك كلامي .. فيه اختراع اسمه ريموف وفي بلوك كمان .. ايهما فاختار
واوعى تفتكر اني هزعل يا أموووووور
دا انا هعمل لولولولولولي 
واقولك نورتني يا أموووووووووووووووووووووووووووور


لو عاجبك كلامي .. فأهلا بك في عالمي الافتراضي .. فيس بوك


أنا كده .. أنا سبرايت :D

أنا محمد ممدوح


http://www.youtube.com/watch?v=B1QnNXbmy2k

ســأ لقاكي

ضَجرتُ الإنتظار

لذا .. فلتعلمي
أنّي حين ألقاكي


سأحتضــــــــــــــــــــنك 
حتى يذوبَ جسدانا
ويصيرانِ واحدا

سأُقَبلكِ حتى أرتوي

سأسكب على جسدكِ خمراً
وأرشف منه حتى الثماله

سأمشطكي حتى تتخدر أناملي

سأراقصكي بمجون


سأتكيء عليكي حين يتحطم عكازي



سأغفو دوماً بين نهديكي

سألهو كثيراً بين فخذيكي

سأنجب منكي ملائكةً
يشبهون الأطفال

سأهواكي ما حييت

سألقاكي - يقيناً - 
في الجنه